Torsdag 25. februar skal Odda Kommunestyre behandle innstilling frå rådmannen som omfattar 6 tidligare barnehjemsbarn fra Odda som har søkt Kommunen om erstatning og oppreisning for tapt barndom, ved å bli utplassert på blant anna barnehjem og spesialskular.
Rådmannen instiller på at det ikkje er grunnlag for å utvide fristen for Kommunal oppreisningsordning. Slik det ser ut no, vil rådmannen få fleirtallet med seg.
I 2007 vedtok Odda Kommunestyre erstatning og oppreisning til 3 tidligare barnehjemsbarn frå Odda, som vart utplassert på Betania Waisenhus i Stavanger. Dermed erkjente Kommunen eit plasseringsansvar for desse 3.
Då stiller undertegna følgande spørsmål både til rådmann og representantane i Odda Kommunestyret: Hva er det som er forskjell på saka i 2007 og oss 6 som no har søkt Kommunen? Vi er alle oddingar som vart plassert på ulike institusjonar av Odda barnevern. Undertegna vart utplassert av barnevernet trass i at dåværande kommunelege Ivar Engesæter fraråda dette.
I rådmannens oppsummering i si innstilling, skriv han, sitat: “Pr.d.d er det 16 tilfeller der personer som har hatt tilknytning til Odda har søkt erstatning, hvorav 6 personer også har søkt Odda Kommune om erstatning. Barnevernet har ikke hatt omsorgen for noen av disse personene” sitat slutt.

Undertegna sitter idag på kopi av dokumenter datert tilbake til 1964, signert leiar for Odda Barnevernsnemd. Sågar prøvde barnevernsnemda å plassera undertegnede på eldreheim i Kvam. Det vert då direkte feilinformasjon frå rådmann overfor Kommunestyre å hevde at barnevernet ikkje hadde omsorgen!

I august 2009 stod undertegna fram i eit intervju med journalist Svein Knutsen i HF, " Ett år i skrekkens hus". Odda barnevernsnemd tok frå undertegna 5 år av barndommen. Kor vidt mi historie har gjort noko inntrykk på Odda Kommunestyre, veit eg ikkje, men det har vore mykje varmande støtte frå Oddasamfunnet i etterkant.

Då denne saka vart behandla i Odda formannskap nyleg, var det kun Venstre, Raudt og Nye Odda som støtta saka vår. 3 mot 6 stemmer.

Til dei andre representantane i Kommunestyre som også skal stemma over instillinga på torsdag fk. vil eg seie: TENK DERE OM MINST 1 GANG TIL!. Her handlar det om menneskeskjebner som har fått liva sine øydelagt, kanskje for all framtid. Vi forlangar ikkje at Odda Kommunestyre fullt ut skal forstå kva dette har gjort med oss i alle desse åra i etterkant. Men vi forlangar å bli behandla med respekt av våre lokale folkevalgte! Måten å visa dette på, er å støtta mindretalet torsdag 25. februar

LUKKE TIL!

TAKK TIL VENSTRE, RAUDT OG NYE ODDA FOR AT DERE STØTTA OSS!!

Med vennleg helsing
Arne Strand
Flateby.