23.04.2009

Den 31. juli og 1. august 2009 skal musikken atter ljome mellom Uskedalsfjella på eitt jorde i Uskedalen i Kvinnherad Kommune. Dette er 6.gong festivalen går av stabelen.

Festidalen er utruleg stolte og glade for å kunna offentleggjera
fyrste band til årets festival : Kaizers Orchestra
Kaizers, som er eitt av Noregs desidert beste liveband og rockeorkester vitjar Kvinnherad 1.august 2009.

Åge Aleksandersen, som nærast på eigen hand har tråkka vegen og opna dørene for alle håpefulle med nyinnkjøpt forsterkar, har saman med Sambandet lagt ut på turne denne sommaren og har til vår store entusiasme og elleville glede lagt Festidalen fredag den 31.juli inn på turnelista si!!

Me er og glade for å informera om at etter kvart god kjende lokale rockebandet Kobayashi vitjar Festidalen i år. Kobayashi kan skilta med strålande anmeldelsar i lokalpressa, og vekkjer publikummet sitt med fengjande rytmar og heavy headbanging frå scena.

The Disciplines kjem til Festidalen 1.august, med sin gitarglade, kjappe og humørfylte rock ispeidd sterke indie-undertonar. Bandet består av tre fjerdedelar av det norske bandet Briskeby, og amerikanar og frontfigur Ken Stringfellow. Sistnemnde er kjend frå ei lang popkarriere med powerpopbandet The Posies, og har i ei årrekkje bidrege i både REM og Big Star.

Det energiske rockebandet Major Parkinson , opprinneleg frå Odda, hausta strålande kritikkar for sitt debutalbum hausten 2008. Den sjølvtitulerte plata, innspela hjå superprodusenten Sylvia Massey (produsent for bl.a. Tom Petty, Johnny Cash og Red Hot Chili Peppers), har blitt karakterisert som ”ei heftig forundringspakke av ei plate”.

Bandet skil seg ut i mengda med skeive melodiar, energiske liveshow og karisma, og har blant anna blitt spådd til å bli det nye Kaizers Orchestra. Dei er allereie blitt så smått legendariske for sine live-show.

Oslobandet Norma Sass er einaste jenteinnslaget under Festidalen i år. Bandet består av jenter som tydeleg veit kva dei vil med musikken sin, og uttrykket deira er mystisk, uortodoks og ei blanding av rock, pop og indie. Bandet var det første som vart booka til Øya09, og vart kåra til årets Zoomvinnar i 2009. Låta deira ”June”, har vorte spelt mykje på P3 i vår, og jentene har trass si korte fartstid opparbeida seg ein god del liveerfaring på bakgrunn av Zoom Urørt turne landet rundt det siste året.

Robert Smith-Hald er emigrert amerikansk singer/songwriter, som saman med bandet Fusas Finest kan minna om ein sprek sekstitals Bob Dylan, og ein potent syttitals Bruce Springsteen. Trass desse rikhaldige referansane er det mannen, livet og historia som kjem fram når Robert predikerer sin folk-rock/americana frå scenen. Bandet hans består av medlemmer frå Fusa, som bandnamnet tilseier, og Kjetil Tofte som opphaveleg er frå Halsnøy.

Festidalen var sjølve tilstades på konsert med dei i Oslo i Februar og er mektig imponert over både stemma og tekstane til Robert og oppbackinga frå bandet.

Billettsalet er i full gong via Billettservice

For ytterlegare informasjon sjå www.festidalen.no